El Franco inaugura la Casa del Arte de Mohíces

El proyectu ye un reconocimientu a Herminio Álvarez y a so tíu Ángel Fernández

Dende esta tarde, el conceyu d’El Franco presume de nuevu complexu museísticu: la Casa del Arte de Mohíces. Un proyectu que ye, sobre manera, un reconocimientu a dos de los artistes más destacaos del conceyu: Herminio Álvarez y a so tíu, Ángel Fernández, yá muertu.

Cunten, los que lu conocieron, qu’Ángel Fernández, "Angelito El Ferreiro", foi un prodixu cola forxa. Ensin malapenes formación, les sos manes yeren capaces de crear obres como estes. Dende güei espónense nesta Casa del Arte de Mohíces.

Una amuesa permanente onde destaquen les obres d’otru franquín ilustre, Herminio, continuador de la saga familiar, convertíu nún de los artistes más destacaos del Principáu.

Obres que son el referente d’esti nuevu equipamientu. Asitiáu nel edificiu del antiguu ayuntamientu, complétase coles obres de l’Asociación d’Amigos d’As Quintas, y valdrá, amás, como residencia p’artistes.

La nueva Casa del Arte de Mohíces tará abierta de miércoles a domingu, de 11:00 a 14:00, y de 16:00 a 20:00.