El Muséu de les Termes Romanes de Xixón amuesa la 'Piedra del Rayo'

Ye un hachu neolíticu de más de 5.000 años
El Muséu de les Termes Romanes de Xixón amuesa estos díes el conocíu como 'Piedra del Rayo'.
Ye un hachu neolíticu de más de 5.000 años.
Foi recuperáu nes escavaciones de la villa de Veranes. Alcontróse na zona de cimentación del so 'horreum'. La colocación d'esti hachu de piedra nun espaciu destináu al almacenamientu del granu nun ye casual.
Anguaño esti tipu de pieces sirven pa conocer meyor el pasáu de la humanidá, los romanos venceyábenles a lo sagrao y entendíen que teníen poderes máxicos. Esti hachu ye únicu nel nuestru país.
L'amuesa acompáñase d'una instalación sonora y audiovisual na que se recreen les antigües creencies d'un mundu agrariu, que nada tien que ver col d'anguaño.