El Teatru Palacio Valdés d’Avilés cumple 100 años

Bien d’Interés Cultural y referente escénicu nacional

El Teatru Palacio Valdés d’Avilés cumple esti añu’l so primer centenariu.

El coliséu ta consideráu la primer gran obra n’Asturies de Manuel del Busto, unu de los meyores arquitectos de la nuestra historia, que, con 25 años, yá firmare munches de les cases d’indianos d’Avilés.

La so construcción duró 20 años, y ye una historia de superación y visibilidá, tamién arquitectónicamente. El primer retu: l’asitiamientu, nel ensanche del Avilés de 1900.

L’escudu d’Avilés corona un teatru 'a la italiana', d’estilu neobarrocu. Fachada con muncha ornamentación, realzada por xuegos de sol y solombra; y grandes ventanales, pa un salón dende onde ver y que te vean.

Dientro, Del Busto busca tamién la mayor visibilidá y vistosidá con, por exemplu, la forma d’herradura, o palcos cuasi sobre l’escenariu.

Inaugúrase n’agostu de 1.920, dempués de munchos avatares económicos, n’homenaxe al escritor Armando Palacio Valdés.

Güei ye Bien d’Interés Cultural y referente escénicu nacional.