El conceyal d'IX de Muros zárrase na oficina de Turismu pol conflictu en Palestina

Elio Castaño convida a los vecinos a cavilgar sobro lo que ta pasando col pueblu palestín

Parar el xenocidiu del pueblu palestín ye'l motivu pol que, dende esta mañana, ta zarráu na oficina de Turismu de Muros de Nalón, el conceyal d'Izquierda Xunida, Elio Castaño.

Va tar hasta les 20:00 y va siguir faciéndolo, tolos díes, de manera indefinida, hasta que se solucione'l conflictu ente Israel y Palestina.

Amás, quier convidar al restu de vecinos a que pasen pequí pa cavilgar sobro lo que ta pasando col pueblu palestín.