El documental 'Minas de Figareo 1978-1980', disponible na plataforma virtual Verkami

Testimonios de los protagonistes d’una protesta histórica que trespasó llendes

El cineasta mierense Alberto Vázquez y l’Asociación Amigos de Mieres grabaron el documental 'Minas de Figareo 1978-1980', una película con testimonios de primer mano de los homes y muyeres que protagonizaron dos años de protestes pa que’l so pozu fuera nacionalizáu.

Una llucha qu’inclusive llegó a trespasar les llendes d’Asturies.

La so movilización saltó a les páxines de la prensa nacional el 2 de payares de 1978, cuando dellos de los mineros retuvieron 10 hores al director y inxenieru del pozu, José María Figaredo Sela.

Foi una de los episodios más sonaos de los dos años de protestes de 1.600 trabayadores de Mines de Figareo, que pidíen la nacionalización de la so empresa -en 1978 una de les poques que nun taba en manes d’Hunosa- y que lo algamaron.

Organización, sofitu ciudadanu y fuerza fueron les claves del éxitu d’una protesta que llegó a cortar dos vegaes la Vuelta Ciclista a España.

La crisis del coronavirus camudó los planes de los impulsores del documental, que pensaren delles presentaciones na cuenca del Caudal. Agora los que quieran mercar la película sobre los dos años de llucha en Figareo, podrán facelo al traviés de la plataforma virtual Verkami.