El proyectu européu Culturality empieza la so andadura na Universidá d'Uviéu

Una esposición amuesa cómo los oficios tradicionales contribuyen a la dinamización de zones rurales

Paez una cenciella esposición, pero hai que dir más lloñe. Una manta con patrones tradicionales escoceses, una de llana texida nun telar centenariu asturianu o una bolsa fecha con escrotos de carneru, d'Estonia, son un exemplu de cómo los oficios tradicionales contribuyen a la dinamización de zones rurales, munches vegaes difíciles d'atopar nos mapes. Ye lo que reivindica'l proyectu Culturality.

Una iniciativa na que forma parte la Universidá d'Uviéu con entidaes universitaries d'Italia, Portugal, Estonia, Eslovenia, Rumanía, Escocia y Noruega.

L'edificiu históricu de la Universidá d'Uviéu acueye una amuesa, que pue visitase hasta'l 12 d'abril.