El tradicional guirria y los aguilanderos vuelven a pisar les cais de Ponga

La tradición regresa a San Xuan de Beleño pa estrenar l'añu

San Xuan de Beleño, nel conceyu de Ponga, celebra esti domingu’l so tradicional aguilandu y guirria. Un documental sobre esta ancestral tradición recueye’l so pasáu, presente y futuru. Un trabayu audiovisual, entamáu por Gonzalo Barrena, que fai un percorríu pela historia popular d’esta fiesta.

El guirria y l’aguilandu son munchu más qu’una tradición festiva pal conceyu de Ponga. Tán inxertos na cultura colectiva y esto afítase nel documental entamáu por Gonzalo Barrena. Esti profesor de filosofía y impulsor de la recuperación del patrimoniu cultural ye l’alma d’esti trabayu audiovisual.

'El Guirria y El Aguinaldo de Beleño' ye una creación audiovisual colectiva. Nella trabayaron el director de cine Óliver Laxe, que se pon al frente d’esti trabayu pero tamién cunta coles imáxenes del fináu Raúl Vázquez.

Ensin escaecer los testimonios de los que faen posible esta tradición, los propios ponguetos. Porque esta ye una fiesta que bebe del pasáu pero tien munchu futuru.

Poro, esti día 1 de xineru, les cais de San Xuan de Beleño volverán a esfrutar del so aguilandu y el so guirria.