Entama con bones sensaciones la Feria del Arándanu y los Frutos Coloraos de Villaviciosa

Na feria danse cita productores de toa Asturies

Una trentena de puestos enllenen dende esta mañana'l Parque de la Ballina de Villaviciosa col festival d'arándanos y frutos coloraos.

Con dos o tres nueves incorporaciones, nella danse cita productores de toa Asturies como Cuideiru, Piloña o Nava pero tamién, como non, del propiu conceyu.

Los vendedores destaquen que dende primer hora hai una bona llegada de públicu y les primeres ventes. Creen que pue ser un bon eventu porque'l de la Villa ye unu de los más importantes d'esti ámbitu.

Tamién cuntó con visitantes de vacaciones, dalgunos inclusive de llugares como Bilbao.

Les opciones gastronómiques como quesu y derivaos d'estos frutos son los otros protagonistes. La feria, que coincide amás con otres dos, va tar abierta tol día y mañana domingu.