Entamen les deliberaciones del Premiu Princesa d'Asturies de les Artes 2024

El xuráu, ensin favoritos ente 50 candidatos de talla mundial

Los miembros del xuráu que fallará'l Premiu Princesa d'Asturies de les Artes, el primeru de los ocho que da la Fundación que lleva'l nome del títulu de la heredara al tronu, entamaron esti martes les deliberaciones ensin dicir los sos favoritos ente los más de cincuenta candidatos qu'opten al galardón, anque sí reconocieron que los hai de talla mundial.

Tampoco se definieron abiertamente sobre la disciplina que querríen ver reconocida nesta edición, la cuadraxésimu cuarta, dempués de que l'añu pasáu'l premiu fuere a parar al séptimu arte, al recaer na actriz de los Estaos Xuníos Meryl Streep; y un añu enantes, na cantaora Carmen Linares y la baillaora María Pagés.

Pal presidente del xuráu, el director del Muséu de Belles Artes de Bilbao, Miguel Zugaza, ye l'añu con "mayor númberu de candidatures, mui diverses, mui abiertes" y con un altu nivel, polo que les deliberaciones van ser mui interesantes pa decidir ente les diferentes opciones del arte, "que non solo contempla les disciplines más tradicionales".