Entamen les deliberaciones del xuráu del Premiu Princesa d'Asturies de les Lletres 2024

El xuráu decide ente 38 candidatures con más presencia femenina

El xuráu que mañana dará a conocer n’Uviéu al ganador del Premiu Princesa d’Asturies de les Lletres 2024 entamó esti miércoles a deliberar ente les 38 candidatures qu’opten a esti galardón, ente les que s’aprecia una presencia medrante de muyeres qu’escriben de distintes nacionalidaes.

Esta vegada opten al galardón narradores, dramaturgos y poetes de 21 países distintos, y como ye un vezu, por ser el xéneru más espardíu, ye mayoritaria la presencia de novelistes, según señalaron dalgunos miembros del xuráu, que guarden confidencialidá sobre los nomes qu’opten a esti galardón.

Los once homes y siete muyeres que formen el xuráu tampoco se pronunciaron sobre’l xéneru que querríen ver recompensáu nesta edición, nin sobre la posibilidá de qu’esti añu se reconoza a dalgún autor hispanoamericanu, circunstancia que nun se da dende 2015, nel que’l galardón foi pal cubanu Eduardo Padura.