Entamen les deliberaciones del xuráu del Princesa d'Investigación Científica y Técnica 2024

Xeología, física y bioloxía destaquen pa facese col galardón

Candidatures del campu de la xeología, la física y la bioloxía molecular destaquen ente les 48 candidatures de 17 nacionalidaes qu’opten al Premiu Princesa d’Asturies d’Investigación Científica y Técnica 2024, que se fallará mañana, miércoles, n’Uviéu.

Asina lo señalaron dalgunos de los 17 miembros del xuráu que baxo la presidencia del físicu Pedro Miguel Echenique, galardonáu con esti premiu en 1998, entamó les deliberaciones esti mediudía na capital asturiana.

Según Echenique, esta vegada no solo hai grandes candidatures, sinón que dalgunes son "escepcionales", lo que dificultará entá más la elección del ganador d’esta edición na qu’hai dalgunes de campos qu’hasta agora nun optaren a esti premiu.