Entamen los trabayos pa sacar los cuerpos atopaos na fuexa común d'El Rellán

Nun se refuga l'apaición de más restos

En Grau siguen los llabores na fuexa d'El Rellán, na que s'afayaron yá los restos de, polo menos, siete persones.

Con precisión cuasi milimétrica y quitando col máximu curiáu cada gramu de tierra. Asina foi llimpiándose la fondigonada abierta, d'unos cinco metros de llargu.

Nun se refuga l'apaición de más restos debaxo de los yá atopaos. La escavación saca a la lluz botones y bales. Too queda rexistrao y l'actividá xeneró gran espectación.

Dende l'ARMH esixen al Principáu la valtadera darréu de la cubil amestada a la fondigonada. Construyida na década de los 60, too paez indicar la presencia de más restos nel so sosuelu.

Un pidimientu sofitáu pol coordinador xeneral d'IX n'Asturies, Ovidio Zapico, que s'averaba esta mañana hasta la fuexa.

Los trabayos siguen y pa mañana ta previsto que se saquen los primeros restos.