Estrenu del documental 'Obdulia García. La Llamada l'arte'

La obra resume la vida d'Obdulia García, primer muyer avilesina que llogró llicenciase en Belles Artes

N'Avilés siguen los actos del Día Internacional de la Muyer col estrenu del documental 'Obdulia García. La Llamada l'arte', que resume la vida d’Obdulia García.

Nacida n'Avilés en 1908, nuna familia llabradora, siendo la cuarta fía d'un total de seis, llogró llicenciase en Belles Artes. En 1934 espón les sos pintures na Esposición d'Artistes Asturianos.

Al acabar la Guerra Civil encargóse-y la restauración de les pintures del altar mayor de la Ilesia de Santu Tomás de Cantorbery. La so vida trescurrió ente la creación artística y la docencia hasta'l so fallecimientu en 1942 por una rápida enfermedá.

El documental, que saca a la lluz a una de les munches muyeres qu'hasta agora fueron cuasi anónimes, va sirvir amás como material didáctico.

Esta tarde siguen los actos del 8M cola obra de teatru 'La Extraña Pareja', de Neil Simón, que pon n'escena la compañía Calibán Teatro.