Estrueldu d'emoción y fiesta na Descarga

Cangas celebra'l día grande d'El Carmen y La Madalena

Cangas celebra'l día grande de les sos fiestes patronales, les d'El Carmen y La Madalena. Los actos entamaron yá a les 9:00 cola diana floriada. Hebo tamién misa solemne y procesión, y tampoco faltó la pólvora. Siguieron les tiraes a mano y esta tarde, la esperada Descarga.       

Pa munchos canguetos volver a casa per estes feches ye tou un ritual. Na villa, el día grande de les fiestes del Carmen vívese con muncha emoción por quien nació equí, pero tamién pa quien vuelve añu tres añu pa esfrutar de la Descarga.

El montaxe n’El Prau del Molín empieza hores enantes del primer disparu. Un trabayu fondu que ve perbién quien llega con tiempu pa nun quedar ensin sitiu.

El bon ambiente trescala cais y places de tola villa.

Una fiesta de pólvora que nun dexa indiferente a naide.