Estudiantes d'Uviéu, ganaderos per un día en Samartín d'Ozcos

Los alumnos conocieron les xeres qu'hai que facer diariamente nel campu

El conceyu de Samartín d'Ozcos foi l'escenariu de la iniciación pa un grupu de mozos uvieínos nel mundu ganaderu. Esfrutaron, per 24 hores, de los encantos d'una contorna dafechu rural, pero tando bien pendientes de toles xeres qu'hai que facer diariamente nel campu.

Nin l'agua, nin la nieve, nin el fríu pararon a los estudiantes de 16 años que, dexaron per un día los sos llibros, pa convertise en ganaderos.

En Mon, una aldega de suañu allugada en Samartín d'Ozcos, pudieron tar, ente otres coses, en contactu coles vaques, xubiendo y baxando los montes detrás del ganáu.

Cambiaron a los profesores avezaos por otros que-yos punxeron un notable altu y, amás de conocer el funcionamientu d'una casería, el manexu d'un tractor o la diferenciación del tipu de ganáu, averáronse a la cultura tradicional y a la gastronomía de la zona..

Los estudiantes cunten agora con tolos elementos pa decidir. Seique dalgunu, nun futuru cercanu, quiera una vida en plena zona rural.