Felipe VI, diez años de rei marcaos pola renovación, la convulsión política y so padre

Letizia Ortiz, una reina comprometida cola igualdá de la muyer y les causes sociales

Felipe VI algama esti miércoles la so primer década nel tronu, una etapa qu'abrió col enfotu de “una monarquía anovada pa un tiempu nuevu” y que tuvo marcada pola inestabilidá política y la polarización, el desafíu independentista en Cataluña, les midíes d'exemplaridá pa revitalizar la Corona y l'impactu de la marcha d'España de Juan Carlos I.

Desque'l 19 de xunu de 2014 fuera proclamáu poles Cortes Xenerales nuevu xefe d'Estáu tres l'abdicación de so padre, el rei tuvo qu'encarar un camín difícil pol contestu políticu, social y económicu, llaráu de situaciones inédites, como la pandemia, y con dures decisiones de mena familiar coles que quixo marcar la so llinia d'exemplaridá.