Forma Antiqva graba "Concerto Zapico 2"

En mayu actuarán n'Uviéu

La crítica considéralos unu de los conxuntos más importantes de la música clásica n'España. Son Forma Antiqva, o dicho d'otra forma, los hermanos asturianos Pablo, Daniel y Aarón Zapico qu'algamaron trunfar en tol mundu coles sos notes barroques.

Agora tán grabando nun estudiu de Colmenar Viejo, en Madrid, el so nuevu discu, el númberu 11 de la so carrera. TPA Noticias tuvo con ellos y contaron qué vamos atopar nesti trabayu, que saldrá a la lluz n'abril del próximu añu.

"Concerto Zapico 2" ye la continuación del trabayu que-yos dio ésitu internacional y col que vendieron más de 3.000 copies de la so música barroca en tol mundu.

Viaxaron coles sos notes a Llatinoamérica, Asia y toa Europa. Agora vuelven otra vegada a trabayar col sellu discográficu alemán Winter & Winter, que confirma l'ésitu internacional de los hermanos asturianos.

Per delantre, una xira de conciertos que los llevará de Baeza a Nueva York pasando per Madrid, onde fadrán doblete nel Auditoriu Nacional. En mayu verémoslos n'Uviéu onde podremos disfrutar del luxu de la so música.