Grandas de Salime despide a Pepe'l Ferreiro

El so nome va tar acomuñáu al Muséu Etnográficu del conceyu

Grandas de Salime despidió güei a Pepe'l Ferreiro. Decenes de persones asistieron al funeral d'una pilastra básica de la cultura de la rexón. 

Dende güei'l so nome va tar acomuñáu al Muséu Etnográficu del conceyu, el mesmu que fundó fai más de 35 años.

Les cenices de José Naveiras salieron del muséu pa percorrer los escasos metros que dixebren la so gran creación de la ilesia colexata del conceyu. Portaes pola so vilba, y en compañía de familiares, vecinos y amigos, Pepe'l Ferreiro foi despidíu ente aplausos y la música tradicional que tanta importancia tuvo na so vida. Nun faltaron les famoses boínes.

Col so fallecimientu, a los 78 años, Asturies queda ensin unu de los mayores representantes de la cultura y fondu defensor de la zona rural.​