Javier Fergo gana'l premiu de Fotoperiodismu de Siero

Representa a una familia xunto a la caxa d'una moza que morrió nel estrechu de Xibraltar

La fotografía captada por Javier Fergo, ye la ganadora del Premiu de Fotoperiodismu del Conceyu de Siero. Representa una xunta familiar cabo la caxa d'una moza que morrió d'hipotermia nel estrechu de Xibraltar.

El segundu premiu foi pa Olmo Calvo con una semeya d'un campu de refuxaos. El premiu especial de fotoperiodismu d'Asturies llevólu Eloy Alonso, per tercer vegada consecutiva, con 'Pedro', una fotografía del presidente del Gobiernu.

En total, el xuráu valoró 172 fotografíes, 20 más que l'añu pasáu. Un total de 47 fueron escoyíes y van tar espuestes nel Centru Polivalente de Siero del 8 al 30 d'ochobre.