L'últimu premiu en salir dexa 3,6 millones n'Asturies

El 89.109, octavu quintu premiu, vendíu n'Avilés y Corvera

El númberu 89.109 foi premiáu col octavu de los quintos premios, dotáu con 60.000 euros la serie y con 6.000 euros cada décimu, de la llotería de Navidá y salió a les 13:21.

Esti yera l’últimu de los trece grandes premios que quedaba por conocese d’esti sortéu, qu’entamó a les 9:12.

Tamién esti númberu foi mui repartíu, anque los llugares que vendieron más series del 89.109 fueron Avilés (Asturies) y Azkoitia (Gipuzkoa) -60 series en caúna- y Madrid -35 series-.

Nel casu d’Avilés, los 600 décimos fueron vendíos na alministración númberu 9, asitiada nel númberu 26 de la cai Fernández Balsera, y esti quintu premiu dexó amás na fastera avilesina otru décimu vendíu per terminal nel establecimientu asitiáu nel númberu 7 de la cai Xovellanos de Les Vegues (Corvera), al que-y corresponderán 6.000 euros.