La esperanza de vida de les persones con Síndrome de Down aumenta en 20 años dende los 80

Presentaes n'Uviéu les conclusiones del 'Proyectu Virginia'

La esperanza de vida de persones con Síndrome de Down aumentó, dende los años 80, en 20 años. Eso asitia la media nacional en 72 años y provoca qu'estes persones y la so redolada, tengan que pelear, cada vez más, con situaciones rellacionaes cola tercer edá, esplica Ana Luque, representante de l'Asociación Down Asturies.

Pa conocer eses nueves realidaes y les necesidaes que xeneren, llevóse alantre'l 'Proyectu Virginia', con entrevistes a 80 persones de toa Asturies, esplica la psicologa Teresa Martínez.

Estes hestories de vida recoyíes per escrito, en videu o en realidá virtual y ayuden a desenvolver los programes d'acompañamientu de manera personalizada. Na so problemática y circunstancies, sí, pero tamién nos sos gustos y preferencies, señala Laura González, participante nel 'Proyectu Virginia'.

Dende'l Principáu aseguraron que puen, con esta nueva información, conocer los actuales problemes y tratar de solucionalos con nuevos recursos, meyor planiaos.