Webcams
Buscar
Tou un referente européu nel test Rorschach
En 1918, Hermann Rorschach entama a facer la prueba que lleva’l so apellíu. N’España un xixonés, el doctor José Salas, sedría’l primeru n’usalu con fines diagnósticos. Fízolo, amás, nunu de los casos más mediáticos pa la Europa de los años trenta: l’asesinatu d’Hildegart.
El 9 de xunu de 1933 , cuatro tiros bastaron pa qu’Aurora Rodríguez acabare cola vida de la so fía Hildegart, la muyer a la qu’educare con una estricta programación pa camudar el mundu. Aquella historia conmocionó a la Europa del momentu y años dempués al psiquiatra xixonés Guillermo Rendueles.
Rendueles escribió "El manuscrito encontrado en Ciempozuelos", qu’esti branu ediciones Morata volvió a asoleyar y que se basó precisamente nos papeles de José Salas.
Foi él el que diagnosticó col Rorschach la esquizofrenia d’Aurora Rodríguez. Yera la primer vegada que s’usuaba’l test de les manches n’España.
Cuenta la so fía qu’al doctor Salas quedába-y poco en Ciempozuelos. Cuando entraron los nacionales pasó unos meses na cárcel y al final semidesterráronlu en Xixón onde funda’l sanatoriu d’El Bibio.
Fina con malapenes 57 años, cola tristura de sentise atrapáu, cree la so fía, ensin poder desendolcar tol so potencial.
Una de les negociaciones ye la cesión d’un establecimientu na segunda planta pa usu vecinal con charres y esposiciones que puean ayudar p’atraer xente.
