La llucha frente a la diabetes y la obesidá, Premiu Princesa d'Asturies d'Investigación

Galardonaos los espertos Daniel J. Drucker, Jeffrey M. Friedman, Joel F. Habener, Jens Juul Holst y Svetlana Mojsov

Los descubrimientos y el desendolcu de nuevos medicamentos qu’ayuden a controlar la diabetes y a baxar de pesu que llevaron alantre cinco líderes mundiales nel campu de la endocrinoloxía, Daniel J. Drucker, Jeffrey M. Friedman, Joel F. Habener, Jens Juul Holst y Svetlana Mojsov, fueron reconocíos col Premiu Princesa d’Asturies d’Investigación Científica y Técnica 2024.

Los sos investigaciones dexaron desendolcar nuevos fármacos, de mano pal tratamientu de la diabetes que s’aplicaron dempués con éxitu a la llucha escontra la obesidá y el sobrepesu, y pa salvar tamién patoloxíes asociaes como les cardiovasculares.

El xuráu que-yos dio’l galardón destacó que los sos trabayos contribuyeron al desendolcu de medicamentos que "tán meyorando la calidá de vida de cientos de millones de persones en tol mundu".

La concesión del premiu inxértase nos avances algamaos nos últimos años nel tratamientu de la diabetes tipu 2 col desendolcu de fármacos qu’usen como principiu activu la semaglutida, que xuega un papel de contrapesu de la insulina nel equilibriu del zucre en sangre.