La reina Sofía llega a Uviéu p'asistir a la ceremonia de los Premios Princesa

Va siguir la ceremonia dende'l palcu d'honor del Teatru Campoamor

La reina Sofía ta yá n'Uviéu p'asistir a la ceremonia d'entrega de la 42 edición de los Premios Princesa d'Asturies nel Teatru Campoamor, cola presencia de los reis, la princesa Leonor y la infanta Sofía.

La madre de Felipe VI, que dientro de 5 díes va cumplir 85 años, llegó al Hotel Reconquista pasaes les 12:35 metanes los acordes d'una banda de gaiteros que-y dieron la bienvenida nel esterior del edificiu, frente al que s'axuntara numberosu públicu.

Acompañada polos presidentes del Congresu, Merixell Batet, y del Senáu, Ander Gil, doña Sofía aportó al hotel mientres los reis, la princesa Leonor y la infanta calteníen les tradicionales audiencies nel Salón Cuadonga.

Hasta un 30% d'operaciones privaes de más ente ayeri y güei dexen los Premios Princesa d'Asturies nel Aeropuertu d'Asturies.

Dende primer hora nun dexaron de llegar vuelos privaos con invitaos a la ceremonia.