La retresmisión de la ceremonia en TPA algamó una cuota de pantalla del 22%

Cinco hores y 10 minutos de directu con bonos momentos, conexones y entrevistes

TPA foi la opción preferente pa siguir la entrega de los Premios Princesa. La retresmisión de la ceremonia algamó una cuota de pantalla del 22%, con cuasi 40.000 espectadores, dende les 17:00 con un programa especial.

Ye un siguimientu récor nos 17 años en que TPA lleva emitiendo esti actu. Dempués del informativu, ufiertamos, amás, un espaciu d’entrevistes colos premiaos que tamién algamó un gran siguimientu con cerca d’un 14% de share.

Cinco hores y 10 minutos de directu conducíos por Miguel González y María Herrero nun programa especial nel que TPA pudo charrar nel Hotel de la Reconquista colos premiaos.

Cinco hores nes qu’hubo bonos momentos, con conexones y entrevistes dientro y fuera. Cinco hores nes que se perdió hasta la noción del tiempu, con confesiones y agradecimientos.