La sopranu asturiana Beatriz Díaz prepara la representación de 'El niño y los sortilegios' de Ravel en Tenerife

Díaz trabaya na zarzuela 'La rosa del azafrán' que va vese nel Teatru Campoamor d'Uviéu en marzu

La sopranu asturiana Beatriz Díaz que prepara la representación de 'El niño y los sortilegios' de Ravel en Tenerife, visitó güei’l nuevu set d’entrevistes del matinal. Con ella falamos del amor d’Asturies pola lliríca y el sacrificiu y disciplina que fai falta pa dedicase a la ópera.

Amás de la representación en Les Canaries, Beatriz Díaz trabaya na zarzuela 'La rosa del azafrán' que va vese nel Teatru Campoamor d’Uviéu en marzu. Toles representaciones necesiten muncha preparación, como esplica Beatriz.

Un llabor que va más allá de cantar ensin más, hai qu’interpretar. Sobre’l futuru nun se plantega nenguna meta. Quier siguir esfrutando, pero si tuviera qu’escoyer un teatru pendiente: el Metropolitan de Nueva York.