La suerte algama Asturies colos cuartos premios

El 42.833 lleva un millón d'euros a Llanes, Uviéu, Xixón y Candás

El númberu 42.833 foi agraciáu col primeru de los dos cuartos premios, dotaos con 200.000 euros a la serie (20.000 euros al décimu), nel Sortéu Estraordinariu de la Llotería de Navidá que se celebró esti miércoles en Madrid, foi vendíu en Llanes, Candás, Xixón y Uviéu.

Del númberu premiáu, que salió un minutu enantes de les once de la mañana, vendiéronse, nos distintos puntos de venta que se distribuyeron n’Asturies, 54 décimos a los que correspuenden 1.080.000 euros.

El númberu 91.179 foi agraciáu col segundu de los dos cuartos premios, dotaos con 200.000 euros a la serie (20.000 euros al décimu), nel Sortéu de la Llotería de Navidá celebráu esti martes en Madrid, del que se vendió un décimu en Siero.

Según informó Lloteríes y Apuestes del Estáu, el décimu foi vendíu nel centru comercial Parque Principáu, en Paredes, Siero.