La xugadora de bádminton Carolina Marín, Premiu Princesa d'Asturies de los Deportes 2024
![Carolina Marín, jugadora de bádminton, agradece el Premio Princesa de los Deportes](https://www.rtpa.es/fotos//24/05/20240508155717_RTPA4967613.jpg)
El xuráu empondera de Marín el so gran palmarés y los sos valores "dientro y fuera de la pista"
La xugadora de bádminton Carolina Marín, campeona olímpica, tricampeona del mundu y heptacampeona d’Europa, foi distinguida esti miércoles col Premiu Princesa d’Asturies de los Deportes 2024.
Marín (Huelva, 1993) proclamóse campeona olímpica en Río 2016, y fízose col títulu mundial tres vegaes -2014, 2015 y 2018-, y col européu en siete, la última d’elles el mes d’abril pasáu n’Alemaña.
Apeada de los XXOO de Tokyo 2020 por una lesión de rodiella, nel so palmarés tamién figura la medaya d’oru algamada nos Xuegos Europeos celebraos en Polonia l’añu pasáu.