Les 'Lletrones' de Xixón, símbolu de la ciudá, cumplen 10 años

Ana González diz que ganaron el preste de los vecinos y de los turistes

El Conceyu de Xixón y la patronal del sector del metal, Femetal, celebraron esti xueves el décimu aniversariu de la instalación de les 'Lletrones', una reproducción de gran tamañu del logotipu de la ciudá que se convirtió nun símbolu y unu de los llugares más visitaos del conceyu.

Donada por Femetal, la estructura d'una sola pieza metálica fecha pol métodu d'oxicorte y pintada col color coloráu característicu de la marca "Xixón" ye xunto al Eloxu del Horizonte, la escultura d'Eduardo Chillida, unu de los sitios escoyíos polos turistes pa retratase.

"Ye un bon referente de lo que somos y de lo que queremos ser y representa l'espíritu d'unidá y collaboración de les relaciones del Conceyu con Femetal", dixo l'alcaldesa, Ana González.