Les Arriondes engalánase pa celebrar la fiesta de Les Piragües

El Descensu Internacional del Seya mañana batirá récor de países participantes

Como cada añu per estes feches, Les Arriondes engalánase pa celebrar la fiesta de Les Piragües. Les banderes d’Asturies y el descensu tán yá en ventanes y balcones hores enantes del cañonazu col qu’entamará la prueba asegura Tania Villaverde, vecina de Les Arriondes.

Tou un sentimientu pa los vecinos del oriente asturianu que se tresmite de xeneración en xeneración apunta Irene Suárez, vecina de Peruyes (Cangues d’Onís).

Nes cais yá se respira l’ambiente de fiesta enantes d’una nueche que vivirán con intensidá tanto los que yá son avezaos de les piragües como pa los que ye la so primer vegada señalen Beatriz Barreiros, visitante de Madrid; y Eva Rioja y Desiré Morales, visitantes de Cuenca.

Bares y restauranes rematen los preparativos. Esta nueche sacarán les barres a la cai. Espérase que s’allargue la fiesta hasta l’amanecer apunta Ángel Cebrián, de 'La Casona del Sella'.

Una llarga nueche pa celebrar la viéspora de la fiesta más esperada del añu en Les Arriondes.