Les asociaciones son responsables de munches de les fiestes de los pueblos n’Asturies

La edá de les sos directives pon en riesgu que sigan alantre estes agrupaciones

Munches de les fiestes y de les xeres de los pueblos fáense gracies a les asociaciones. Cada vegada ye más difícil que sobrevivan, sobre manera pola falta de relevu.

Los integrantes de les sos directives son cada vegada más mayores y eso ponles en riesgu. Nun hai munches soluciones pa evitar el so desgaste.

Marta González lleva 20 años al frente de la so asociación de muyeres. Dalgunes de les sos compañeres lleven inclusive más. Güei pudieron falar del futuru de toes elles en Tol, en Castropol, nel décimu alcuentru d’asociaciones del noroccidente.

Compatibilizar la vida de caldía coles obligaciones d’una asociación nun ye xera fácil.

Piénsase que son unes 250 les asociaciones qu’hai enagora nel Occidente asturianu. Una parte d’elles tán inactives dende va tiempu pola falta de relevu nes sos directives.

Nun ye fácil alcontrar una solución a esti problema, sobre manera teniendo en cuenta que cada vegada los sos integrantes son de más edá.