Les estancies coreográfiques d'Uviéu investiguen el grau de concentración de los baillarinos al traviés de les plantes

Alcuentros nos que participen una ventena d'artistes de toa España cola danza como nexu d'unión

Les estancies coreográfiques d'Uviéu que se celebren hasta'l 14 d'agostu nel Teatru Campoamor investiguen anguaño sobro'l grau de concentración de los baillarinos al traviés de les plantes.

Baillen con hortensies y albahaques pa investigar les posibles conexones ente la danza y les plantes al traviés d'estos biosensores.

Ye parte de la investigación, en collaboración cola Universidá Politécnica de Madrid, de les undécimes estancies coreográfiques del teatru Campoamor.

Tres les primeres pruebes notaron que les hortensies capten munches más emociones.

El coreógrafu uvieín Yoshua Cienfuegos dirixe a una ventena d'artistes de toa España, la mayoría baillarinos de distintes disciplines como'l clásicu o la danza española.

La resultancia d'esta investigación pue esfrutala'l públicu xeneral nuna gala de clausura que va tener llugar el 14 d'agostu nel Teatru Campoamor con accesu gratuitu.