Les ganadores del FICX 'Metronom' y 'Rimini' van poder vese esta tarde nel Xovellanos

Zarru de la 60 edición del Festival de Cine de Xixón

Esta tarde proyéctense les películes ganadores del FICX nel Teatru Xovellanos de Xixón. El primer pase, a les 17:30, va ser pa 'Metronom'. La película rumana d'Alexandru Belc foi escoyida la meyor de la sección oficial Retueyos, l'espaciu onde compiten los cineastes emerxentes.

Al traviés de la mirada d'una moza 'Metronom' cuenta una historia ambientada nos años de Ceaucescu. Y a les 20:00, va poder vese 'Rimini', la película del austriacu Ulrich Seidl premiada na sección Albar, la de cineastes consagraos.

Seidl, a quien el FICX dedicó va años una retrospectiva, mira pa un músicu veníu a menos. Con estes dos proyecciones ciérrase la 60 edición del FICX.