Les ríes de Villaviciosa y del Eo, escoyíes pa estudiar el cambiu climáticu

Investigadores quieren conocer más sobre la medría del nivel del mar

Cuatro ríes del norte d'España sedrán bancu de pruebes pa conocer más sobre los efectos del cambiu climáticu. Dos d'elles tán nel Principáu, la de Villaviciosa y la del Eo, compartida con Galicia.

Los investigadores de la Universidá de Cantabria estudiarán cómo'l cambiu climáticu ta causando añu tres añu una constante medría del nivel del mar.

La desembocadura del Eo, por exemplu, cuenta con 563 hectárees d'estensión y ye una zona de bayura mediuambiental que cambiarán nos próximos meses d'aspectu gracies al proyectu 'Life fluvial' que, ente otros oxetivos, persigue desaniciar les especies invasores de los calces.

Dalgo, aseguren los espertos, fundamental, anque una de les grandes prioridaes sigue siendo'l dragáu del sable que ciega anguaño la ría. Dambos proyectos tán nestos momentos na fase inicial.