Les torgues de los artistes pa inxertar les sos obres nel mercáu

Pablo de Lillo apuesta por talentos mozos na so última esposición

Les torgues de los artistes pa inxertar les sos obres nel mercáu son les mesmes que va décades. Afírmalo'l creador y galerista Pablo de Lillo, qu'apuesta por talentos mozos na so última esposición. Pue vese nel so estudiu d'Uviéu hasta'l llunes qu'entra.

Paula Blanco ye una de les cinco pintores moces qu'amuesen obra na galería. La so trayectoria, como la del restu, ye curtia pero marcada yá por dalgunos llogros. Nel so casu, una residencia artística en Dubái.

Aida del Amo y Pelayo Tamargo tamién protagonicen esta esposición colectiva. Ellos comparten espaciu creativu, trabayen xuntos.

Manuel García ye otru de los nomes propios de l'amuesa. Equí presenta la obra 'Cara-corazón'. Trata tamién d'abrise sitiu.

Entamos difíciles qu'al galerista y artista Pablo de Lillo recuérden-y a los de so, con problemes que siguen. La gran ventaya agora ye Internet, con Instagram como puntu d'alcuentru y intercambéu de los creadores de tol mundu.