Leticia Rodríguez asoleya 'Propaganda digital. Comunicación en tiempos de desinformación'

La pandemia, una dómina afayadiza pa les noticies falses y los bulos

La pandemia ta siendo una dómina afayadiza pa les noticies falses y los bulos, anque nun son fenómenos nuevos. La profesora asturiana Leticia Rodríguez acaba d'asoleyar un llibru onde analiza la propaganda dixital y los sos riesgos. La única vacuna escontra la desinformación ye la educación y el pensamientu críticu.

Toos podemos ser responsables del espardimientu de noticies falses y bulos cuando compartimos mensaxes al traviés de les redes sociales, anque seyan camuflaos d'humor. Les 'fake', les mentires, tán siendo mui efectives en política.

La desinformación tamién afecta a la reputación de les empreses: bulos sobro productos supuestamente pernicioaos o opiniones anónimes qu'echen per tierra'l prestixu d'un negociu. Falsedaes que causen problemes sanitarios como los movimientos antivacunes. La pandemia ta siendo un tiempu afayadizu pa la desinformación.

La profesora de la Universidá de Cádiz, l'asturiana Leticia Rodríguez, analiza la propaganda dixital nun llibru que s'acaba d'asoleyar: l'únicu antídotu ye la educación.