Llargues coles pa entrar a los pabellones de la Cometcon

Puertes zarraes a media tarde, tres algamar l'aforu dexáu

La Cometcon perpasó les sos mires de visitantes, lo qu'obligó a la organización a cerrar les sos puertes esta tarde pa evitar superar l'aforu dexáu de 5.000 persones. Los que sí pudieron entrar tuvieron qu'esperar llargues coles pa poder entrar a dalgunos de los pabellones.

A media tarde la organización tomaba la decisión. Les 4.400 persones que taben nel recintu averábense peligrosamente a les cuasi 5000 dexaes. L'accesu a la Cometcon quedaba zarráu.

Quien sí pudo entrar al recintu tuvo qu'apellar a la paciencia. Llargues coles pa entrar a espacios como'l pabellón central. Ellí siguíen esta tarde les charres, que tuvieron una gran espectación.

L'auditoriu, llugar qu'acoyía l'esperáu concursu de 'cosplayers', tamién quedó pequeñu p'acoyer al gran númberu d'asistentes. Los organizadores tuvieron que cortar l'accesu.

A la espera de lo que vaya soceder na xornada de mañana, la Cometcon déxanos imáxenes d'otros tiempos.