Los Casinos, Ateneos, Círculos o Liceos, tema central esta nueche en 'Asturies Selmanal'

Edificios emblemáticos que busquen una utilidá nun nuevu contestu social

Espacios constructivos singulares, la mayoría pertenecientes a la llamada Arquitectura Indiana. L'historiador Ángel Mato asegura que "los indianos fueron fundamentalmente los qu'impulsaron y los que fueron adictos a esti modelu de sociabilidá".

Patrimoniu que malapenes se caltién sacante nos casos nos que los conceyos algamaron la so titularidá como esplica Eugenio Rico, vicepresidente del Licéu de L.luarca, que "ye un edificiu que tien 113 años, entós como tolo vieyo, va viniéndose embaxo, too son goteres, too son problemes”. O Gustavo Adolfo Fernández, cronista oficial de Grau qu'apunta que "el
casino surdió un poco como agora son les Cases de Cultura un centru pa distintes actividaes tanto d'ociu como de cultura, esa actividá yo creo qu'en toa Asturies tán faciéndola agora les cases de cultura".

Mientres que Belén Álvarez, de la 'Asociación Amigos de Veiga' afrma que "nun podemos siguir fondiaos nel sentimientu de que'l Casino ye daqué clasista o que yera daqué de ricos. Va muncho años qu'esto dexó de ser daqué clasista. Yo soi fía d'un albañil". Pela so parte, Servando Fernández, cronista oficial de Navia sorraya que "el futuru de los Casinos ye bastante inciertu, vamos ser claros, son edificios xeneralmente monumentales. Tienen mui mal caltenimientu".

Edificios emblemáticos que busquen una utilidá nun nuevu contestu social.