Los neerlandeses Hedof y Joshua van pintar un mural dedicáu al deporte tradicional nel Festival Parees

Los artistes caracterícense por un estilu dinámicu, colorista y allegre

El Festival Parees va cuntar cola participación d’Hedof y Joren Joshua, dos artistes de reputación internacional procedentes de Países Baxos. Dambos van trabayar per primer vegada xuntos pa pintar un mural nun edificiu de La Tenderina n'Uviéu.

El mural va tar dedicáu a los deportes tradicionales asturianos, como los bolos o la llave, y va ocupar una fachada de 18 metros d'altu y ocho d'anchu.

El Grupu de Deporte Rural '6 Conceyos' ye l'encargáu d'asesorar a Fedor y Joren, que van llegar a Asturies a principios de setiembre y van dedicar polo menos cinco díes a la obra. Los artistes caracterícense por un estilu dinámicu, colorista y allegre.