Los valores de los 'All Blacks'

Alumnos d'ente 10 y 16 años participen nel campus "Small Blacks"

Alumnos d'ente 10 y 16 años de tola rexón participen estos díes nel campus "Small Blacks", una iniciativa inxerta nel programa cultural de la Fundación Princesa d'Asturies "Toma la palabra". Los mozos reciben nociones de rugby que culminarán con un entrenamientu colos xugadores de la meyor selección de rugbi de la historia.

Nel Colexu Santa María d'El Naranco ensayen una danza maorí. Esta vegada lo que buscará ye sorprender y honrar a los xugadores de la selección de Nueva Zelanda, premiu Princesa d'Asturies de los Deportes. Por esi motivu'l rugbi llegó a los colexos asturianos, pa que los alumnos desendolquen les sos habilidaes motrices y de la mano d'espertos conozan esti deporte.

Muncha disciplina, compañerismu, cooperación y respetu, ye lo que deprenden los alumnos, porque'l rugbi ye unu de los deportes onde'l xuegu llimpiu resulta fundamental.

En total participaron 1.000 alumnos, de los qu'una representación recibirá'l miércoles viniente una clase "maxistral" en Xixón, impartida pola meyor selección de rugbi de la historia.