Los xixoneses lleven con sufrencia nun esfrutar de la so 'Selmanona'

La pandemia obliga a suspender les más de les celebraciones

Güei 9 d’agostu, Xixón tendría que tar celebrando la so Selmana Grande. Pero la pandemia obligó a suspender los más de los grandes momentos qu’esta selmana suel acoyer la ciudá.

Mientres los xixoneses lleven con sufrencia nun poder esfrutar de la so 'Selmanona', Xixón siguen recibiendo una gran cantidá de visitantes qu’esfruten d’ella, con o ensin fiestes.

Esti añu naide posará la so mirada en L’Atalaya pa esfrutar de los fueos. Los xixoneses tampoco s’averarán a El Muro pa baillar la Danza Prima mirando a la mar. Nin rastru de grandes conciertos, nin tampoco d’actividaes paraleles como’l Festival de Gaites. Esti branu ye menos branu ensin la Selmana Grande.

Pero si hai un momentu que s’echará sobre manera en falta ye la Gran Nueche de los Fueos.

La Selmana Grande tendrá qu’esperar a tiempos meyores.