Webcams
Buscar
La obra afonda nes graves consecuencies de convivir con un narcisista
La psicóloga Mariana Menéndez presenta un estudiu sobre’l narcisismu. 'Eres presa' afonda, con un llinguax cenciellu, nun trestornu de la personalidá basáu nel abusu y de consecuencies graves pa los que conviven colos narcisistes que van dende’l maltratu psicolóxicu hasta l’asesinatu.
Nada que ver cola imaxe del mitu, porque’l narcisista patolóxicu maltrata siempres porque namái sabe rellacionase al traviés del abusu.
Esti trestornu, pal que nun hai rehabilitación, dase igual n’homes y muyeres anque’l tipu d’abusu varia. Neses rellaciones nun hai sexos, namái preses.
Los espertos piensen qu’una de cada 100 persones padezlu, anque sospechen que ta infradiagnosticáu, sobre manera nuna sociedá na que les redes sociales emponderen l’apoloxía del yo.
Esta piscóloga detectó na so consulta a víctimes de los abusos narcisistes. Llegaben con síntomes como ansiedá, depresión, aversión al ruíu o al contactu y nun sabíen por qué.
Esti llibru, dedicáu al narcisismu na pareya, recueye señales d’alerta pa poder identificar situaciones de riesgu.
