Marjane Satrapi, Premiu Princesa d'Asturies de Comunicación y Humanidaes 2024

El xuráu empondera de Satrapi la so defensa de los derechos humanos y la llibertá

La historietista, cineasta y pintora francoiraní Marjane Satrapi, ún de los nomes más destacaos del cómic internacional, foi distinguida esti martes col Premiu Princesa de Comunicación y Humanidaes 2024 pola so defensa de los derechos humanos y la llibertá.

Satrapi (Rash, Irán, 1969) ye autora de la novela gráfica 'Persépolis' (2000), una obra autobiográfica qu’arranca a finales del réxime del Sha y da cuenta de les torgues de vivir baxo un estáu teocráticu y islamista dende la perspectiva d’una adolescente.

La obra, de cuatro volúmenes y considerada por munchos una de les meyores noveles gráfiques enxamás asoleyaes, llevó a Satrapi a la fama.