Miguel González Pereda, propuestu como primer cronista oficial de Villaviciosa

Tolos partíos políticos sofitaron el nomamientu d'esti comerciante y estudiosu de 76 años

En Villaviciosa, la Comisión Informativa del Conceyu dictaminó la propuesta de l'Alcadía del nomamientu de Miguel González Pereda como cronista oficial del conceyu.

Una comisión que cuntó col sofitu de tolos partíos políticos.

Esti comerciante y estudiosu de 76 años va convertise nel primer cronista oficial maliayu, una figura cola que yá cunten numberosos conceyos asturianos.

L'interés pola cultura desque yera un chaval llevó a Pereda a estudiar y espublizar la conocencia de Villaviciosa.

Propuestu formalmente pol Atenéu Obreru de Villaviciosa y l'Asociación del Paisaxe de Villaviciosa (Cubera), Pereda ye, dicen, el candidatu afayadizu pa desempeñar esta xera.