Mual, exemplar tamién na concienciación sobre’l cambéu climáticu

El pueblu acueye esti fin de selmana’l LumixG Photographic Challenge

El primer certame estremu de fotografía y vídeu, el LumixG Photographic Challenge, celébrase esti fin de selmana en Mual. El Pueblu Exemplar d’Asturies 2018 acueye la primer fase d’esti certame. Arranca nes viesques de Mual y Muniel.los y dempués, los participantes dirán camín de Somiedu.

Tendrán que captar time-lapse, imáxenes de la salida y la puesta de sol, fauna y con suerte, dalgún osu.

El pequeñu pueblu de Mual foi reconocíu como Pueblu Exemplar 2018 pola so destacada conservación del entornu natural y cultural. Dende equí arranca esti concursu, que forma parte d’una campaña de concienciación sobre’l cambéu climáticu.

Los Picos d’Europa acoyerán la fase final los díes 29 y 30 d’esti mes.