Muerre'l poeta llaniscu Pablo Ardisana

Los sos poemes recreaben el sentir amorosu sobre'l paisaxe cercanu

L'escritor llaniscu Pablo Ardisana (H.ontoria, 1940), consideráu unu de los poetes más importantes d'anguaño n'asturianu, finó esta madrugada nel Hospital Universitariu d'Asturies (HUCA) onde taba ingresáu, según informó Iniciativa pol Asturianu.

Al poeta muertu, impulsor d'iniciatives culturales y sociales nel so conceyu como'l certame de poesía Santa Rita, qu'anguaño se recuperará, tuvo una vocación llírica tardía y la so temática asitióse más cerca del romanticismu que de la denuncia social.

A la so primer irrupción na poesía en llingua asturiana, 'Armonía d'anxélica serena' (1986), siguiéron-y obres como autor  de versu cenciellu y curtiu. Los sos poemes recreaben el sentir amorosu sobre'l paisaxe cercanu con obres como 'Rosamaría' (1987), 'Azul mirar d'amor' (1989) y 'Luz inesperada' (1991).

El veloriu instalóse nel tanatoriu de Posada (Llanes).