Nava adelántase al Día Mundial de la Sidra

Un día nel que se faló de la candidatura a patrimoniu inmaterial de la humanidá de la cultura sidrera

Nava adelántase al Día Mundial de la Sidra con una xornada festiva marcada pola amplia programación. Un día nel que se faló enforma de la candidatura a patrimoniu inmaterial de la humanidá de la cultura sidrera.

L'epicentru de los actos foi'l Muséu de la Sidra que quier convertise nel llar de toa esa cultura.

Amás del escanciáu d'autoridaes y colectivos del sector, tamién se celebró un pasacáis y la representación de la obra 13 Reyes por parte de la Banda de Gaites La Laguna del Torollu y la Banda Sinfónica de Mieres.