Paxarinos TV, primer programa en streaming dedicáu a les aves

Quier averar al públicu la tradición ornitolóxica asturiana

Paxarinos TV, un proyectu que quier convertise nel primer programa en streaming dedicáu al mundu de les aves. Asoleyaráse darréu col envís d’averar al gran públicu la gran tradición ornitolóxica qu’hai n’Asturies. El xerme del programa ta nel colectivu Paxarismu Urbanu y la páxina de FB 'Aves de Asturias'.

Paxarinos TV prepárase pa salir del cascarón. Sedrá’l primer magazine en directo sobre aves.

Con vocacion divulgativa, ufiertará al traviés d’Internet entrevistes, reportaxes y sobre manera, interacción con tol que quiera participar.

Pa collaborar col so llanzamientu, el llunes entama una campaña de mecenalgu na plataforma Verkami.

El programa prestará especial atención a les aves urbanes, que cada vegada tienen menos comida y menos llugares onde añerar porque nes ciudaes non solo vivimos les persones, tamién los paxarinos.