Pravia prepárase pa un Xiringüelu que recibirá a más de 55.000 romeros

La Guardia Civil desplegará 230 efectivos nel Xiringüelu

Un total de 230 efectivos de la Guardia Civil formarán parte del dispositivu de seguridá que diseñó pa la fiesta del Xiringüelu que se celebrará mañana, domingu, en Pravia, a la que se piensa que vayan unes 55.000 persones.

Según informó l’Institutu Armáu, l’operativu dispúnxose, como n’años anteriores, al rodiu del recintu onde se celebrará l’eventu y tien como envís garantizar la seguridá y minimizar los incidentes y situaciones d’emerxencia.

Los efectivos usarán un total de 104 medios de tresporte ente vehículos toutarrén, turismos, motocicletes, furgonetes, una oficina móvil de recoyida de denuncies, helicópteros y aeronaves tripulaes per control remotu.