Presencia asturiana pa celebrar el primer desfile de San Patricio en Madrid

Un desfile con más de 300 gaiteros

El centru de Madrid albergó esti sábadu per primer vegada un desfile pa celebrar el Día de San Patricio, nel que marcharon más de 300 gaiteros y onde participantes y espectadores tiñeron de verde les cais de la capital.

Ye una iniciativa entamada pola cervecera Guinness y que replica los desfiles que s’entamaron per San Patricio en ciudaes como Dublín, Boston o Chicago.

El director del pasacáis ye’l gaiteru asturianu Bras Rodrigo, que foi una década’l coordinador del desfile de San Patricio de Nueva York, y que solliñó qu’esta iniciativa pon a Madrid "a l’altura de les grandes capitales mundiales" y "vien pa quedar".